Gargantua. Page_97Chap_19
Retour
Chapitre xix Ehen , hen , hen , Mna dies Monsieur , Mna dies . Et vobis messieurs , Ce ne seroyt que bon que nous rendissiez noz cloches , Car elles nous font bien besoing . Hen , hen , hasch .
Nous en avions bien aultresfoys refusé de bon argent de ceulx de Londres en Cahors , sy avions nous de ceulx de Bourdeaulx en Brye , qui les vouloient achapter pour la substantificque qualite de la complexion elementaire , que est intronificquee en la terre sterite de leur nature quidditative pour extraneizer les halotz et les turbines suz noz vignes , vrayement non pas nostres , mais d' icy aupres .
Car si nous perdons le piot nous perdons tout et sens et loy .
Si vous nous les rendez a ma requeste , je y guaigneray six pans de saulcices , et une bonne paire de chausses , que me feront grant bien a mes jambes , ou ilz ne me tiendront pas promesse .
Ho par Dieu domine , une pair de chausses est bon . Et vir sapiens non abhorrebit eam . Ha , ha , Il n' a pas pair de chausses qui veult . Je le scay bien quant est de moy .
Retour