Gargantua. Page_ 31 Chap. 5
Retour
mouillons hay il faict beau seicher . Du blanc . verse tout . verse de par le diable , verse . deca , tout plein , la langue me pelle . Lans tringue , a toy compaing , de hayt , dehayt , la , la , la , c' est morfiaillé cela . O lachryma Christi : c' est de la_Deviniere .
c' est vin pineau . O le gentil vin blanc , et par mon ame ce n' est que vin de tafetas .
Hen hen , il est a une aureille , bien drappe , et de bonne laine . Mon compaignon couraige . Pour ce jeu nous ne voulerons pas , car j' ay faict un levé . Ex hoc in hoc . Il n' y a poinct d' enchantement Chascun de vous l' a veu .
Je y suis maistre passe . A brum a brum , je suis prebstre Mace . O les beuveurs , O les alterez . Paige mon amy , emplis icy et couronne le vin je te pry . A la cardinale Natura abhorret vacuum .
Diriez vous q' une mousche y eust beu ? A la mode de Bretaigne . Net , net , a ce pyot , Avallez , ce sont herbes .
Chap 6 Comment Gargantua nasquit en facon bien estrange .
Retour