Gargantua. Page_13Chap_1
Retour
En icelluy fut ladicte genealogie trouvee escripte au long , de lettres cancelleresques , non en papier , non en parchemin , non en cere : mais en escorce d' Ulmeau , tant toutesfoys usees par vetusté , qu' a poine en povoit on troys recongnoistre de ranc .
Je ( combien que indigne ) y fuz appelle : et a grand renfort de bezicles practicant l' art dont on peut lire lettres non apparentes , comme enseigne Aristoteles , la translatay , ainsi que veoir pourrez en Pantagruelisant , c' est a dire , beuvans a gre , et lisans les gestes horrificques de Pantagruel .
A la fin du livre estoit un petit traicte intitule , Les Fanfreluches antidotees . Les ratz et blattes ou ( affin que je ne mente ) aultres malignes bestes avoient brousté le commencement , le reste j' ay cy dessoubz adjouste , par reverence de l' antiquaille .
Chap 2 Les Fanfreluches antidotees trouvees en un monument antique .
Retour