Gargantua. Page_130Chap_23
Retour
Ce faict yssoient hors leur hostel avecques eulx un jeune gentilhomme de Touraine nomme l' escuyer Gymnaste , lequel luy monstroit l' art de chevalerie .
Changeant doncques de vestemens monstoit sus un coursier , sus un roussin , sus un genet , sus un cheval barbe cheval legier : et luy donnoit cent quarieres le faisoit voltiger en l' air , franchir le fosse , saulter le palys , court tourner en un cercle , tant a dextre comme a senestre .
La rompoit non la lance . Car c' est la plus grande resverye du monde , dire , J' ay rompu dix lances en tournoy , ou en bataille : un charpentier le feroit bien . Mais louable gloire est d' une lance avoir rompu dix de ses ennemys .
De sa lance doncq asseree , verde , et roide , rompoit un huys , enfoncoit un harnoys , acculloyt une arbre , enclavoyt un aneau , enlevoit une selle d' armes , un aubert , un gantelet .
Le tout faisoit armé de pied en cap .
Retour