----- Revenir à l'écran précédent par la commande BACK -----
" Sa Saincteté le pape , après avoir esté conduite jusques au palaiz que j' ai dit luy avoir esté préparé par delà le port , chacun se retira en son quartier , jusques au lendemain que sa dicte Saincteté se prépara pour faire son entrée .
Laquelle fut faite en fort grande somptuosité et magnificence , luy estant assis sur une chaire portée sur les espaulles de deux hommes , et en ses habits pontificaux , hormis la tyare , marchant devant lui une haquenée blanche sur laquelle reposoit le sacrement de l' autel , et estoit ladite haquenée conduitte par deux hommes à pied en fort bon équipage avecque des resnes de soye blanche .
Puis après , marchoient tous les cardinaux en leurs habits montez sur leurs mulles pontificales , et madame la duchesse d' Urbin en grande magnificence , accompagnée d' un grand nombre de dames et de gentilshommes , tant de France que d' Italie .
En ceste compagnie étant le Père Sainct au lieu préparé pour son logis , chacun se retira ; et tout ce , fut ordonné , et conduit sans nul désordre ny tumulte .
Or ce pendant que le pape faisoit son entrée , le Roy passa l' eau dans une frégate , et alla loger au lieu dont le pape estoit party , pour de ce lieu le lendemain venir faire l' obéissance au Père Sainct , comme Roy très - chrestien ... ... . .
" Estant le Roy préparé partit pour venir au palaiz où estoit le pape , accompagné des princes de son sang , comme monseigneur le duc de Vendosmois ( père du vidame de Chartres ) , le comte de Sainct - Pol , messieurs de Montpensier et de La Roche - sur - Yon , le duc de Nemours , frère du duc de Savoye , lequel mourut audit lieu , le duc d' Albany et plusieurs autres , tant comtes , barons que seigneurs , estant toujours près du Roy le seigneur de Montmorency , son grand maître .
Estant le Roy arrivé au palaiz , fut reçu par le pape et tout le collège des cardinaux , assemblés en consistoire , fort humainement .
Ce faict , chacun se retira au lieu à luy ordonné , et le Roy mena avec luy plusieurs cardinaux pour les festoyer , et entre autres le cardinal de Médicis , neveu du pape , homme fort magnifique et bien accompagné .
Au lendemain , ceux ordonnés par Sa Saincteté et par le Roy commencèrent à s' assembler pour traiter des choses pour lesquelles l' entrevue se faisoit .
CATHERINE MEDICIS (XI, philo)
Page: 188